ចម្រៀងលាគ្នា

ផ្ទៃមេឃឡើងពណ៌ស្រអាប់ខ្យល់ ត្រជាក់រហឹម
យើងជិតបែកគ្នា យើងបែកគ្នាហើយ នៅឆ្ងាយពីគ្នា
បេះដូងប្រេះឆា ទឹកភ្នែកសស្រាក់
គ្មានថ្ងៃជួបគ្នាទៀតទេ ជួបទៀតទេ
អូនបន់ស្រន់ សូមឱ្យបង
កុំទៅណា ឆ្ងាយពីអូន

មានតែទុក្ខខ្លោចផ្សា ក្ដីផ្អែមល្ហែម អស់ហើយណា
ស្វាមីភរិយានៅឆ្ងាយពីគ្នា ដាច់សោះសូន្យ
រដូវផ្ការីក ផ្ការោយផុតទៅ
ពេលវេលាកាន់តែឆាប់ កាន់តែជ្រៅ
អូនបន់ស្រន់ សូមឱ្យបង
កុំទៅណា ឆ្ងាយពីអូន

ផ្ទៃសមុទ្រធំល្វឹងល្វើយ ស៊ីផ្លេ កប៉ាល់ដង្ហើយ
តឿនបងឱ្យឆ្ងាយ ឱ្យបងឆ្ងាយចេញពីទ្រូងអូន
ស្នេហាស្មោះសែន អាឡោះអាល័យ
ពាក្យពេចន៍ច្រើនក្រៃតែស្រី ផ្ដាំមួយម៉ាត់
អូនបន់ស្រន់ សូមឱ្យបង
កុំទៅណា ឆ្ងាយពីអូន

ខំញញឹមទាំងទឹកភ្នែក តឹងទ្រូងស្ទើបែក
បងកុំអល់ឯកខំថែខ្លួន ថែប្រាណសុខសាន្តអើយ
គេងពីព្រលប់ ក្រោកពីព្រលឹម
គេងត្រូវពាក់អាវហើយត្រូវ ដណ្ដប់ភួយ
អូនបន់ស្រន់ សូមឱ្យបង
កុំទៅណា ឆ្ងាយពីអូន

បងមិនក្បត់ចិត្តនិងអូន អូនក៏មិនក្បត់បងដែរ
ពាក្យដែលស្បថស្បែ ពីថ្ងៃមុនអូននៅចាំទាំងអស់
កូនយើងនៅតូច ឪពុកព្រាត់ទៅ
តើឱ្យវារស់នៅ ទីពឹងអ្វី
អូនបន់ស្រន់ សូមឱ្យបង
កុំទៅណា ឆ្ងាយពីអូន

ទឹកភ្នែកហូរសស្រាក់ វាយោ បក់រសាត់
រូបបងក៏បាត់ បេះដូងអូនព្រាត់ឆ្ងាយពីបងហើយ
ខ្ញុំសួរសមុទ្រ ក៏គ្មានចម្លើយ
ស្រែកសួរទៅមេឃមេឃក៏ មិនព្រមឆ្លើយ
អូនបន់ស្រន់ សូមឱ្យបង
កុំទៅណា ឆ្ងាយពីអូន