កេងកងអភ័ព្វ

កេងកងបាត់កូន បោកខ្លួនស្រែកយំអឺយស្រែកយំ
សួលើទ្រនំស្វែងរកបុត្រភ្ងា បុត្រភ្ងា
ធ្លាប់ចាំសំបុកទទួលអាហារ និត្យនៅនិន្ទ្រា
ក្រោមស្លាបរាល់ថ្ងៃ

បែរទៅគូគាប់បែរស្លាប់ចាកឋានអឺយ ចាកឋាន
ដោយសារដៃព្រាន លួចបាញ់ប្រល័យប្រល័យ
មុននឹងស្លាប់ចោលផ្ដាំមើលបុត្រថ្លៃ
កម្មអ្វីចង្រៃ បាត់កូនទៅណា

បង្គងធ្លាប់សួ តាមពួរវល្លិ៍ជ្រៃ
សំបុកកាច់ថ្មីលើខ្ទមអ្នកតា
ឱ!កូនសម្លាញ់ ទុកស្មើសង្ខារ
តើលោកអ្នកណាយកកូនខ្ញុំទៅ?

ឱ!សត្វលោកអើយ នេះហើយវាសនាអឺយ វាសនា
រឿងអនាថា លោកាទៀងនៅទៀងនៅ
ព្រាត់ប្ដីព្រាត់កូន ព្រាត់សូន្យហ្មងសៅ
ជីវិតគិតទៅ រស់នៅមិនទៀង

បង្គងធ្លាប់សួរ តាមពួរវល្លិ៍ជ្រៃ
សំបុកកាច់ថ្មី លើខ្ទមអ្នកតា
ឱ!កូនសម្លាញ់ ទុកស្មើសង្ខារ
តើលោកអ្នកណា យកកូនខ្ញុំទៅ?

ឱ!សត្វលោកអើយ នេះហើយវាសនាអឺយ វាសនា
រឿងអនាថា លោកាទៀងនៅទៀងនៅ
ព្រាត់ប្ដីព្រាត់កូន ព្រាត់សូន្យហ្មងសៅ
ជីវិតគិតទៅ រស់នៅមិនទៀង