Gero, Zer?

Baratze aldean nengoen
Mezua jaso nuenean
Erreka bera ere isildu zen
Bat—batean
Sentimendu beltz—beltza zen bai
Baina artean ezin sinistu inolaz
Ez ginela berriz solastuko
Sekulan

Eta gero zer?
Bere denboran
Esan gabeko hitzak gogora datozkit orain
Antzinako eresiak bezala
Errepikan

Esaera bitxiak kopiatzen
Ibiltzen naiz kaierean
Egun inork ez darabilen
Mintzaera:
Gure jendearen berba
Bakanak
Mundu hau ulertzeko
Ene eleak
Lurra ikutu barik ere
Badatozkidanak

Eta gero zer?
Behar zenean
Urrezko hitz haiek non zeuden orduan?
Gaurkoa egin dezagun
Esaten zenidan
Lehengoa eta geroa
Ez baitira gureak