ត្រឹមសង្សារថ្មី (ស្រី)

១ អូនជាសង្សារថ្មី ដឹងទេថ្លៃក៏ចេះឈឺចាប់
ទង្វើបងដឹងខ្លួនឯងស្រាប់ ថាមនុស្សបងរាប់ជាសង្សារចាស់
នៅជាមួយអូន និយាយពីគេល្អណាស់
បើចិត្តបងមិនផ្លាស់ ស្រលាញ់រូបអូនធ្វើអី។
២ បើនៅស្រលាញ់ ហេតុអ្វីក៏បងបែកគេ
អតីតមនុស្សស្នេហ៍ ស្រលាញ់ហើយមានតម្លៃ
យកអូនកំដរ សូមកុំបន្ដទៀតអី
ក្នុងនាមជាសង្សារថ្មី លែងដៃហើយព្រមបើកផ្លូវ។
៣ គ្មានស្រីមួយណា ចង់ឲ្យសង្សារឆាតនឹងអ្នកចាស់
វាឈឺខ្លាំងណាស់ បេះដូងជាសាច់ណាពៅ
បើគេនោះអាក្រក់ ហេតុអ្វីក៏បងចង់ទៅ
គេល្អទៅរកគេទៅ អូនមិនបាំងផ្លូវ មិនឈឺឆ្អាលទៀត។
៤ មិនចង់មានឈ្មោះ ជាមនុស្សដែលគេយកកំដរ
ចង់ធ្វើមនុស្សស្រីដែលល្អ មានចិត្តស្មោះសរមិនចោលម្សៀត
បើបងគិតថា អ្នកចាស់ល្អជាងអូនទៀត
អូនក៏មិនចង្អៀត បែកគ្នាទៅយកគេចុះ៕