Moatstaf

Depressie is da duiveltje dat elk van us voe zich oedt
T'geheim daw ol deeln, etgeen woadeure daj jejezelvn inhoudt
Voe gin compromis te sluiten tijdens zelfexpressie
We voeln us ol verschillend mo we zien up dezelfde missie
Gelukkig zien, of toch gin angst, zeer of twijfel en
We zoe moe weten oeveel keers da we gelijkig stemmen
Mo niemand got je zeggen oe daj moet et depressieve temmen
Want up da vlak ist er mo weinig die vrijut et zwijgen schendt
Twordt weggestoken achter upgeblonken glimlachen
En fake statussen woa dat we ollen intrappen
Dus woarom zoej et nog mededeeln
Want echte hulp is zeldzaam ot iedereen toneel wilt speeln
Dat is de situatie, wen nood an validering
An bevestiging dus ieder et nood an re-validatie
An e vestiging, e thuisplekke die e kentering
Ku zien up et moment dan andere opties ellendig zien
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet
Revalidoatie, wen nood an an wa uprechte affirmoatie
Van wien da we zien en van uze welgemeende frustroaties
Mo der zie weinig vocoaties die kunnen rekenen up weerklank
Et meeste bluft verloren in de leegte an
Een ander elft botst up e verzameling an weerstand
Gelijk wa daj probeert, je go nie veel vangn
Tis zelden dat etwien wilt luistern
Nin echt luistern, zoender e motief dat is verdusterd
Olene mor omdat ze weten daj et ku gebruken
Daj et nodig et, voe je innerlijk te uten
Dat je huis er gepolijst utziet bekeken van olbuten
Mo da zeg niet over degene stoarend deur de ruten
We krupen, in us zelven weg en we gebruiken
We smoren, drinken, slikken en we snuiven
Voe te vluchten van et feit dat er etwuk nie hele juste zit
Dat ut em in't gedrag dat wieder uszelvn misbruikn
Tzijn die momentn daj der nood an et
Daj e moat nie gern zoe zien mo nodig et
Die momenten da gelijk wuk dan ze je geven van road
En wijze woorden et je der verre van overtrekt
Tis koptje oender oj moe solo voarn
Tijdens die momenten daj de dood kut in de ogen stoarn
Dus aj wa moatn et die wiln communiceren
Zet je nere, en lustert, misschien red je wel e leven
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet
E moat is etwien die jen elpt
Van je zelvn te vien upt moment daj verloorn ziet
E moat et compassie, doet olles voe weer
Richting an je leven te kun geven ookol ziej ol fftjes t'noordn kwiet