ចិត្តខុសពីមុន

ចិត្តខុសពីមុន ដែលអូនស្មានថាសុភាពបុរស
នៅគ្រា ដំបូងបង្អស់
ដែលអូនបោះបង់ ចិត្តឱ្យបង
ជឿលង់គំនិត ជឿពិតថាដូចបំណង
ជឿថាបាន ទៅលើដៃបង
អស់សៅហ្មង ក្នុងជីវិតថ្មី

ពាក្យធ្លាប់ពីរោះ ដែលអូនជឿស្មោះ ថាពាក្យស្នេហា
បានក្លាយ ជាពាក្យឫស្យា
ដៀលអូនថា ជាស្រីខ្វះប្ដី
អូនចុកចាប់ណាស់
មិនស្មាន ចិត្តបងផ្លាស់ថ្មី
ស្នេហ៍អូនក្លាយ ជាឋានអាវជ័យ
អស់ស្មី នៃភពវាសនា

វាយដំអូនចុះ
ឬមួយក៏ប្រុស ចង់ផ្ដាច់សង្ខា
អូន ក៏មិនថា
នេះជាវេរ របស់អូនទេ
ចង់ជេរ ក៏ជេរឱ្យអស់ចិត្តទៅ

អូនស្មានខុសហើយ ស្មានថាជាត្រើយ សុភមង្គល
មិននឹកស្មាន ថាថ្នាំពុល
មកប្រែប្រួល ជីវិតរស់នៅ
តែអូនសូមផ្ដាំ ពេលអូនបែកពីបងទៅ
កូនយើងមួយ ដែលគ្នារស់នៅ
នាំវាទៅ រកត្រើយសុខផង

វាយដំអូនចុះ
ឬមួយក៏ប្រុស ចង់ផ្ដាច់សង្ខា
អូន ក៏មិនថា
នេះជាវេរ របស់អូនទេ
ចង់ជេរ ក៏ជេរឱ្យអស់ចិត្តទៅ

អូនស្មានខុសហើយ ស្មានថាជាត្រើយ សុភមង្គល
មិននឹកស្មាន ថាថ្នាំពុល
មកប្រែប្រួល ជីវិតរស់នៅ
តែអូនសូមផ្ដាំ ពេលអូនបែកពីបងទៅ
កូនយើងមួយ ដែលគ្នារស់នៅ
នាំវាទៅ រកត្រើយសុខផង