ស្នាមដំបៅចាស់​

1-អូនផ្ញើចម្រៀង ច្រៀងតបជូនបង អាសូរម៉ុមផង
ណាពៅស្នេហ៍ស្នង បងកុំទោម្នេញ
ចម្រៀងអូនច្រៀង មិនមែនផ្ចាលផ្ចាញ់ សុំប្តីសម្លាញ់
គិតសារជាថ្មី។

2-ជាតិជាស្ត្រី នៅក្នុងលោកា តើស្រីមួយណា
ដែលមិនប្រាថ្នា មិនចង់ក្បែប្តី
តែព្រោះរូបបង មានចិត្តអប្រិយ ជាន់ឈ្លីរាល់ថ្ងៃ
គ្មានលុះមួយពេល។

R-ពេលអូនពរពោះ ប្រសូត្របុត្រា
   កើតក្តីឈឺផ្សា ស្នេហាប្រួលប្រែ
   ដើរលេងដាច់យប់ ផឹកស៊ីប៉ោឡែ
   បញ្ហាឥតល្ហែ ខ្វះភាពកក់ក្តៅ។
3-ធ្វើបុណ្យដាក់ទាន សន្សំកុសល
ឲ្យអស់កម្មផល កុំឲ្យខ្ញុំយល់ រាល់ទុក្ខសោកសៅ
រឿងរ៉ាវអតីត ទុកដូចដំបៅ គង់សះជាទៅ
លែងឈឺទៀតហើយ។