Тукайсем

Кайăксем ҫӳлте вӗҫеҫҫӗ
Тукай ҫийӗн тӳпере.
Савӑнса чӗвӗлтетеҫҫӗ
Хĕвел пайăрки ҫинче.
Ҫилӗ вӗрнӗн ярӑнаҫҫӗ
Инҫетрен те инҫете.
Ҫӗнӗ куна саламлаҫҫӗ
Ӗҫчен халăхпа пĕрле.

Эпир туслă Тукайсем.
Хастар, маттур ӗҫченсем.
Ырми-канми вăй хуратпӑр,
Малашлăхшӑн тӑрӑшатпӑр.
Ачасемшӗн пурӑнатпӑр,
Ҫӗршыва чунтан саватпӑр.
Тукай пулнӑ, пур, пулать/2 р.
Пур, пулать.

Ӗҫчен халӑх ирех тӑнӑ,
Уй-хирте вӑл тӑрӑшать.
Вӑхӑтра ака вӑл тунӑ,
Халь хирте утă ҫулать.
Кӳршĕсем пӳрт купалаҫҫӗ,
Тукай халӑх нимере.
Пурте пĕрле савӑнаҫҫӗ
Ӗҫ вӗҫленсен, каҫхине.