As Oupa So Sê

As ek by my oupa gaan kuier
Vertel hy sy stories vir my
Ek sit op sy skoot
My oë word groot
Ek kan nooit genoeg daarvan kry

My oupa ken selfs vir klas vakie
En hy se daar's 'n man in die maan
Hy't een donker nag
Vir die tandmuis gewag
En gesien waar sy tandhuisie staan

As oupa so sê
Dan kan jy dit glo
As oupa so sê
Dan weet ek dis so
As oupa so sê
Dan weet ek dis waar
Want oupa is darem al sewentig jaar

Tamaties gee kinders rooi wange
Pampoen laat jou hare mooi krul
Oupa’t vergeet om sy wortels te eet
En daarom dra hy nou n bril

En as oupa so sê
Dan kan jy dit glo
As oupa so sê
Dan weet ek dis so
As oupa so sê
Dan weet ek dis waar
Want oupa is darem al sewentig jaar

Ek vra hom is Oupa Kersvader?
Hy sê o, ek wens so ek was
Maar wat oupa nie weet
Kersvader vergeet sy klere in oupa se kas

As oupa so sê
Dan kan jy dit glo
As oupa so sê
Dan weet ek dis so
As oupa so sê
Dan weet ek dis waar
Want oupa is darem al sewentig jaar
Oupa is darem al sewentig jaar