Passa E Lassa

Ucchiuzzi beddi e duci comm' o' meli
Stanotti i mia facitivi taliari
E cu stà buccuzza chi pari di gelsu
Dammi na vasatedda e sugnu persu
E avvampa lu cori
È senza paroli
Ma sentu stà musica e vogghiu cantari

E 'ncuntramuni ccà sempri ccà
Davanti a stu mari davanti a stù bar
E 'ncucciamuni ccà sempri ccà
Davanti a stù scogghiu
Davanti a stù bar

Facemu cuntu ca fù lignu e s'arsi
E tutta la so cìnniri si persi
Vola n'tà li stiddi la si po' taliari
Ventu ciusciannu non mi fai stutari
E niautri lu focu e u lignu l'amuri
Si non n'astutamu avogghia i bruciari

E 'ncuntramuni ccà sempri ccà
Davanti a stu mari davanti a stù bar

E 'ncucciamuni ccà sempri ccà
Davanti a stù scogghiu
Davanti a stù bar

Sutta a stù cielu tuttu passa e lassa
Passu e salutu sutta a' tò finestra
Amuri di staciuni amuri di vinnigna
L'amuri mbriaca e lu ricordu 'nsigna

E 'ncuntramuni ccà sempri ccà
Davanti a stu mari davanti a stù bar

E 'ncucciamuni ccà sempri ccà
Davanti a stù scogghiu
Davanti a stù bar