Shakakarte Shivaray - Chhatrapati Shivaji Maharaj

शककर्त्यांचा मेरुमणी तू राजर्षींचा राजा
युगंधरांचा योगी अन् तू सामर्थ्याचा सर्जा
महान मंदिर महाराष्ट्राचे सुफलित संचित सह्याद्रीचे
संजीवन हो जनामनांचे
रयतेच्या तारणहारा पावित्र्याच्या तेजा
युगंधरांचा योगी अन् तू सामर्थ्याचा सर्जा
सूर्यराज तू चंद्रराज तू
समरराज तू तीर्थराज तू
राजयोग तू त्यागयोग तू
वायुगतीने वीरश्री तव कीर्तिभेदी क्षितिजा
युगंधरांचा योगी अन् तू सामर्थ्याचा सर्जा
तू रयतेचा रे कैवारू तू पतितांचा रे तारू
तू दीनांचा रे सहकारु
संतांची अन गुणिजनांची करिशी तू पूजा
युगंधरांचा योगी अन् तू सामर्थ्याचा सर्जा
महाभारत घडले जेथे रामायण ते घडले तेथे
शिवभारत तेथे घडते
रामकृष्ण हि तुझी दैवते प्रतापदुर्गा तुळजा
युगंधरांचा योगी अन् तू सामर्थ्याचा सर्जा