Mirutha Mirutha

மிருதா மிருதா மிருதா
நீ யாரென இவளிடம் சொல்வாயா
மிருதா மிருதா மிருதா
உன் காதலை உயிருடன் கொல்வாயா
இவள் நெஞ்சினில் மெதுவாய் நுழைவாயா
இவள் கண்களின் முன்னே சிதைவாயா
மிருதா

நான் மனிதன் அல்ல
கொல்லும் மிருகம் அல்ல
இரண்டுக்கும் நடுவில் ஏதோ ஒன்று
நான் நிஜமும் அல்ல
நீ கனவும் அல்ல
இரண்டுக்கும் இடையில் ஆனோம் இன்று

மிருதா மிருதா மிருதா
நீ யாரென இவளிடம் சொல்வாயா
மிருதா மிருதா மிருதா
உன் காதலை உயிருடன் கொல்வாயா

நான் அழுகை அல்ல
நீ சிரிப்பும் அல்ல
இரண்டுக்கும் இடையில் கதறல் இது
நான் சிலையும் அல்ல
நீ உளியும் அல்ல
இரண்டுக்கும் இடையில் சிதறல் இது
நான் முடிவும் அல்ல
நீ தொடக்கம் அல்ல
இரண்டுக்கும் இடையில் பயணம் இது
நான் இருளும் அல்ல
நீ ஒளியும் அல்ல
இரண்டுக்கும் இடையில் விடியல் இது

தொலைவில் அன்று பார்த்த கனமா
அருகில் இன்று நேரும் ரணமா
கொல்லாமல் நெஞ்சைக் கொல்வதென்ன கூறாய்
வாய்விட்டு அதைக் கூறாயோ
சொல்லாமல் என்னைவிட்டு
நீயும் போனால் என்னாவேன் என்று பாராயோ

சில மேகங்கள் பொழியாமலே கடந்தேவிடும்
உன் வானிலே எந்தன் நெஞ்சமும்
ஒரு மேகமே அதை சிந்தும் முன்னே
வானும் தீர்ந்ததே

மிருதா மிருதா மிருதா
நீ யாரென இவளிடம் சொல்வாயா
மிருதா மிருதா மிருதா
உன் காதலை உயிருடன் கொல்வாயா
இவள் நெஞ்சினில் மெதுவாய் நுழைவாயா
இவள் கண்களின் முன்னே சிதைவாயா

மிருதா

நான் மனிதன் அல்ல
கொல்லும் மிருகம் அல்ல
இரண்டுக்கும் நடுவில் ஏதோ ஒன்று
நான் நிஜமும் அல்ல
நீ கனவும் அல்ல
இரண்டுக்கும் இடையில் ஆனோம் இன்று