Denq Neh

ድንቅ ፡ ነህ (Denq Neh)

ጌታ ፡ ፈጣሪዬ ፡ ስለ ፡ አፈጣጠሬ
ስለሚያስደንቀው ፡ ስለ ፡ አካል ፡ ክፍሌ

ላመሰግንህ ፡ እፈልጋለው
ግሩም ፡ ድንቅ ፡ ሆኜ ፡ ተፈጥሪያለው ፪X

ግሩም ፡ ነህ ፡ የሰራሀኝ
ድንቅ ፡ ነህ ፡ የፈጠርከኝ ፪X

የማመስገኛ ፡ ምክንያት ፡ ከሆነ
ከቁጥር ፡ በላይ ፡ እኔ ፡ ጋር ፡ አለ
እግሬ ፡ ሲራመድ ፡ ሚዛን ፡ ጠብቆ
ዓይኔም ፡ ሲያይልኝ ፡ ቅርብም ፡ አርቆ
በራስ ፡ ቅሌ ፡ ላይ ፡ ሲበቅል ፡ ፀጉሬ
ጣቶቼ ፡ ላይ ፡ ሲያድግ ፡ ጥፍሬ
ውበት ፡ አላቸው ፡ በየቦታቸው
ጌታዬ ፡ አንተ ፡ ነህ ፡ የሰራሃቸው ፪X

ግሩም ፡ ነህ ፡ የሰራሀኝ
ድንቅ ፡ ነህ ፡ የፈጠርከኝ ፪X

ሰው ፡ ሰውን ፡ ቢሰራው
ቢያበጀው ፡ እስትንፋስ ፡ ቢሰጠው
የሚከፍለው ፡ አጥቶ
ሁሉም ፡ ሰው ፡ መኖር ፡ በተሳነው

ይተመን ፡ ቢባል ፡ በዋጋ ፡ የአካል ፡ ክፍሌ
በዓለም ፡ ያለው ፡ ሃብት ፡ በሙሉ ፡ አይመጥን ፡ ለኔ
እንዃን ፡ ሁሉንም ፡ ይቅርና ፡ አንዱንስ ፡ እንኳ
መፍጠር ፡ ያልቻለው ፡ የሰው ፡ ልጅ ፡ እንዴት ፡ ይመካ

ግሩም ፡ ነህ ፡ የሰራሀኝ
ድንቅ ፡ ነህ ፡ የፈጠርከኝ ፪X

በሚጥም ፡ ዜማ ፡ የሚያዜመው ፡ የአንተን ፡ ዝማሬ
ገንዘብ ፡ ሊገዛው ፡ አይችል ፡ ይህ ፡ አንደበቴ ፪X

ጌታ ፡ ፈጣሪዬ ፡ ስለ ፡ አፈጣጠሬ
ስለሚያስደንቀው ፡ ስለ ፡ አካል ፡ ክፍሌ

ላመሰግንህ ፡ እፈልጋለው
ግሩም ፡ ድንቅ ፡ ሆኜ ፡ ተፈጥሪያለው ፪X

ግሩም ፡ ነህ ፡ የሰራሀኝ
ድንቅ ፡ ነህ ፡ የፈጠርከኝ ፪X