Golflengte Verkeerdom

Soms kom die twyfel terug en dan wonder ek
Wie ek is en jy het dit mos nooit
Van my verwag nie
En almal lyk dan so gelukkig
Het jy al jouself gevind?
Vermy jy net die waarheid? Of
Is jy regtig blind?

En dis te maklik om goed te doen wat
Niks beteken nie
Net om almal tevrede te stel
En dis te maklik vir almal om
Alles prys te gee
Ter wille van ‘n
Onvervulde self

Wat glimlag vir ander mense en nooit, ooit huil nie
Solank jy net nie in
Die spieël hoef te kyk nie

Maar ek ervaar hulle is verkeerd om
Hoe hul antwoord op al my vrae
Is hoekom?
O en ek wens ek kon vir jou wys
Hoe my werklikheid lyk
Maar ek wonder of
Jy dit sal verstaan

En alles draai presies uit soos wat
Ek dit nie voorgestel het nie
Ek wens ek kon myself weer vind
Tussen alles wat so onnodig maar
Onvermydelik is

Want dis te maklik om
Goed te doen wat niks beteken nie
Net om jouself te laat geld
En dis te maklik vir almal om
Hartgebroke voor te kom
Sodat jy ook jou storie kan vertel

Maar ek ervaar hulle is verkeerd om
O en hul antwoord op al my vrae
Is hoekom?
O en ek wens ek kon vir jou wys
Hoe my werklikheid lyk
Maar ek wonder of
Jy dit sal verstaan

En as daar dalk ‘n luisteraar daar buite is
Wat weet wat die antwoord is
En as daar dalk die man daar buite is
Wat kan onthou
Wat die vraag is

Bel
En sê vir my jy het dit gekry
En as ek nie beskikbaar is nie
Los ‘n raaisel na die sein

Maar ek ervaar hulle is verkeerd om
Hoe hul antwoord op al my vrae
Is hoekom?
O en ek wens ek kon vir jou wys
Hoe my werklikheid lyk
Maar ek wonder of
Jy dit sal verstaan
O ek wonder of
Jy dit sal verstaan
O ek wonder of
Jy dit sal verstaan