Stormstilte

Dis hoogtyd
Vir 'n donderstorm uitbarsting
Na die onhanteerbare hitte

Maar ek is bang
Om weer te kom
Tot my sinne
Want jou woorde van gistr'aand
Dring my hart
Steeds stadig
Maar veels te seker binne

Ek droom, droom, droom terwyl ek soek na jou
Ek
Soek na jou
En ek soek
Net 'n bietjie
Verligting

Want my hart, my hart raak al veels te swaar om
Orals saam met my rond te dra
Ek soek êrens
Om dit neer te sit
En my oë
My oë is al moeg getraan
Ek soek
Tyd om net bietjie rustig te raak
En 'n
Kans om
Jou weer te vind

Ek voel blind
En ek voel so dwaas
Maar tog is ek
So seker van my saak
Hierdie saak wat almal uit proporsie uit blaas

Ek voel gelukkig
Maar niemand laat my vry
Niemand
Behalwe jy

Ek twyfel, twyfel, twyfel, terwyl ek antwoord gee op
Wêreldse vrae
Hulle soek antwoorde
En hulle soek
'n Logiese verduideliking

Maar daar's iets, ja iets, wat hulle nie verstaan
Iets wat
Hulle harte te bowe gaan
Miskien is hulle net te veel met gewone
Dinge gepla
Dis veels te gewild om normaal te bly en
Veels te gewild om almal om jou te vlei
En te vergeet om
Jou foute te bely

Alles is net een groot damn cliché