Somerreën

Douvoordag, jy nog aan die oë uitvee, tussendeur wilde hare glimlag jy verleë
Alhoewel die son nog sluimer agter die berg se voet
Het die dag reeds gebreek die oomblik toe jou oë my groet
O lewenslus lei jou deur die vroeë oggenddou
En avontuur volg kort op jou spoor

Mag die somerreën jou volg daar waar jy gaan
Die see se blou koel branders teen jou voete vasslaan
Mag jou drome in werklikheid ontbind
En waar die wind jou ookal waai, mag jy my liefde daar vind

Die son sit laag en strooi sy sagte skemerlig
Tussendeur skrefiesoe staar ons die verte in
Die hier en nou vir 'n oomblik in ewigheid verbloem
Terwyl ek oorleun en jou saggies op jou voorkop soen
O lewenslus lei jou die koue naglug in
En avontuur volg kort op jou spoor

Mag die somerreën jou volg daar waar jy gaan
Die see se blou koel branders teen jou voete vasslaan
Mag jou drome in werklikheid ontbind
En waar die wind jou ookal waai, mag jy my liefde daar vind

Jou vingerafdrukke rus helder op die dag wat ons agterlaat
En môre wag nog ‘n dag van lewe saam met jou

Mag die somerreën jou volg daar waar jy gaan
Die see se blou koel branders teen jou voete vasslaan
Mag jou drome in werklikheid ontbind
En waar die wind jou ookal waai, mag jy my liefde daar vind