Yanında Gərək

İlləri mənasız ötürən də var,
Qədrini biləsən anın da gərək.
Vətən məhəbbəti, el məhəbbəti,
Sel kimi çağlasın qanında gərək.
Nəqərat:
Yetişməz üzülsə şamama tağdan,
Bağbanı yoxdursa bar umma bağdan.
Təsəlli verirsən mənə uzaqdan,
Hər kəsin sevəni yanında gərək.
Daim dağ döşündə qaynayır bulaq,
Baharın eşqilə gülər bağça-bağ.
Hər şey qazanılar dünyada, ancaq,
Məhəbbət insanın canında gərək.