Yaman

Sa'n man ako paroon, anumang pasalubong pa
Na hamon sa alon ng buhay at kabanatang kasunod, yah
Binabalikan ang mga naranasan noong ako'y salat at gutom
Mga kahinaang nagpapalabas din ng aking lakas ng loob

May ilang mananatili, dami ring mawawala
Gugunitain anumang maitatala
'Di man dumating ang bawat sana-nanana
Yaman ay mas makikita sa pagpapahalaga

Mas nakilala ang sarili nung minsang walang wala
Aanhin ang nakamit kung tila 'di raw masaya
Sa malaki o maliit na gantimpala-lalala
Yaman ay mas makikita sa pagpapahalaga

Buhay ay walang tigil na pakikipagsapalaran
Buhat din ng pag-ibig kung ba't sumisiglang galawan
Sa t'wing nabibigatan, parang hindi na makatagal
Mga ngiti ng minamahal, napakabisang pampagaan

Nung una wala pang muwang, naduduwag, hinahatid sa eskwela
'Di nagtagal, sa kakulitan, ang dami na ring pumeklat
Buti na lang, sa kabila man ng pagiging kulelat
Ako pa rin ang pinakamahusay sa paningin ni Ermat

Kaya salamat po sa bawat pangaral mo
Madalas mang magkasala dala ng masamang asal ko
Sa pagtatama at pagbabawal, napaka-angas pa ng pag-angal ko
Samantalang wala kang sawang nagpapatawad na may kasamang pagwawasto

Kahapong pinaglipasan
Parte ng kung sino ka kinabukasan
Mas mababatid mo ang 'di inakalang
Mararating kung titingin ka sa pinagmulan at
mga pinagdaanan

May ilang mananatili, dami ring mawawala
Gugunitain anumang maitatala
'Di man dumating ang bawat sana-nanana
Yaman ay mas makikita sa pagpapahalaga

Mas nakilala ang sarili nung minsang walang wala
Aanhin ang nakamit kung tila 'di raw masaya
Sa malaki o maliit na gantimpala-lalala
Yaman ay mas makikita sa pagpapahalaga

Sa inay ng aking ina, mga tiyahin at maliligalig na kapatid
Mga pinsanin na kasabayang nagsi-laki at kahiraman ng damit
Mga kaybigan na malapit, minsan nang nagawi sa mali
Muntik madakip ngunit buti na lang may tino pa ring nakatapik

Sa kasintahang pakikisama't pag-intindi ang palaging hatid
Sa kasunduan kong nasisira, kinikimkim lang ang hinanakit
'Di ko tinitignan na disgrasya aming naging napa-agang paslit
Kundi biyaya upang ang aking pagiging pariwara'y masagip

Kaya pinilit na maitawid, sa tiis man ay kapit na kapit
Nagbukas-palad bawat kaanak, may malasakit na kalakip
Alam ko ring anuman ang aking pagbawing gawin para maibalik
'Di na masusuklian ang pagmamahal na walang hininging kapalit

Daming naranasan
Tila ba antigo na makasaysayan
Mas mababatid mo ang 'di inakalang
Mararating kung titingin ka sa pinagmulan at mga pinagdaanan

May ilang mananatili, dami ring mawawala
Gugunitain anumang maitatala
'Di man dumating ang bawat sana-nanana
Yaman ay mas makikita sa pagpapahalaga

Mas nakilala ang sarili nung minsang walang wala
Aanhin ang nakamit kung tila 'di raw masaya
Sa malaki o maliit na gantimpala-lalala
Yaman ay mas makikita sa pagpapahalaga

Sa'n man ako paroon, anumang pasalubong pa
Na hamon sa alon ng buhay at kabanatang kasunod, yah
Binabalikan ang mga naranasan noong ako'y salat at gutom
Mga kahinaang nagpapalabas din ng aking lakas ng loob