Carmen Vernale

In vernalis temporis ortu laetebundo
Dum recessum frigoris nuntiat hirundo
Terrae maris nemoris deceus adest deforis
Renovato mundo vigor redit corporis
Cedit dolor pectoris tempore iucundo
Terra vernat floribus et nemus virore
Aves mulcent cantibus et vocis dulcore
Aqua tempestatibus caret, aer imbribus
Dulci plenus rore sol, consumptis nubibus
Radiis potentibus lucet cum decore

O quam mira gloria quantus decor dei!
Quanta resplendentia sue faciеi!

A quo ducunt omnia summa ima media
Formam speciei macis haеc distantia
Quam sit differentia noctis et diei