Maleda Eyemetah

ማለዳ እየመጣህ ስታነቃኝ
ጆሮዬን ከፍተህ ስትናገረኝ
በማስተዋል መንገድ ስትመራኝ
ከሕይወት ምንጭ ውኃ ስታረካኝ
ለምልሞ ነበር ሕይወቴ
እንዲህ አልዛለም ጉልበቴ
እባክህ አስበኝ አንተ ነህ መድኃኒቴ

አዝ፦ መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣው

በሌሊት ስነሳ ከእንቅልፌ
ሥምህ ነው የሚመጣው ፈጥኖ በአፌ
ህመሜን ለአንተ እናገራለሁ
ድምጽህን አሰማኝ እማራለሁ
ጌታ ሆይ መቃተቴን ስማ
ነፍሴ እንደዚህ ተዳክማ
እንደ ምን ትዘልቃለች ትካዜን ተሸክማ

አዝ፦ መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣው

የተወሰነው ስዓትህ ሞልቶ
የሀዘኑ ጊዜ አብቅቶ
ድካም ድንዛዜ ተወግዶ
ኃይልህ የሚሞላኝ ከላይ ወርዶ
መቼ ነው ደስ የምሰኘው
በጉብኝትህ የምጽናናው
ጉልበት ተመልሶ በእግሬ የምቆመው

አዝ፦ መቼ ነው ነቅቼ ድምጽህን የምሰማው
ለነፍሴ መጐብኘት መጽናናቴ የሚመጣ