Wiegeliedjie

Mamma sing en baba luister
Want die donker maak vir baba bang
In die wiegeliedjie is daar feëtjies
En die feëtjies maak vir gogga bang

Baba lag as gogga raas kry
Tot die slaapies dan vir baba vang
En met baba diep in droomland
Maak die donker steeds vir Mamma bang

Pappa bring vir Mamma braaiboud
As die rooiwyn soms vir Pappa vang
Mamma huil en Pappa soek skuiling
Want die donker maak selfs Pappa bang

Pappa praat en Mamma luister
En die rasies maak vir baba sang
Baba huil en Mamma fluister
Maar die rooiwyn gaan nog steeds sy gang

En 'n motor vol vrees jaag die straat af
Met 'n motor vol wraak agterna
En 'n motor vol wyn word 'n motor vol pyn
Waar die blou ligte flits vol genade

Pappa slaap en Mamma luister
Na die weerklank op die vleuels van tyd
Want in baba skuil 'n vader
Met 'n bottel in sy stuurkajuit