Oru Mozhi Parayam

ഒരുമൊഴിയൊരുമൊഴി പറയാം
ഉരുകിയ മനമിനി തഴുകാം
മിഴികളിലൊരുചിരിയെഴുതാം
വഴികളിൽ തണൽമരമാകാം
ഇരുകോണിൽ നിന്നും ഇലപോലെ നമ്മൾ
തെളിനീരിൽ മെല്ലെ
അലകളിലൊഴുകി വന്നിനിയരികേ
ഒരുമൊഴിയൊരുമൊഴി പറയാം
ഉരുകിയ മനമിനി തഴുകാം
മിഴികളിലൊരുചിരിയെഴുതാം
വഴികളിൽ തണൽമരമാകാം

പുലരൊളിയുടെ പുടവകളണിയണ
വനനിരയുടെ താഴ്വാരം
ഒരു കിളിയുടെ ചിറകടി നിറയണ
മധുരിതമിരു കാതോരം
മൂവന്തിയോളം നീ ഒരുമിച്ചു കൂടെ
ജീവൻ്റെ ഉൾപ്പൂവിൽ നറുമഞ്ഞുപോലെ
പറയാനാകാതെ അകതാരിൽ താനേ
നിറയുന്നുയെന്തോ
ഇരുവരുമൊരുമൊഴി തിരയുകയോ
ഒരുമൊഴിയൊരുമൊഴി പറയാം
ഉരുകിയ മനമിനി തഴുകാം
മിഴികളിലൊരുചിരിയെഴുതാം
വഴികളിൽ തണൽമരമാകാം

വനനദിയുടെ പുതിയൊരു കരവരെ
സ്വയമൊഴുകുകയല്ലേ നാം
മിഴിയോടുമിഴി തുഴയണ വഴികളിൽ
കനവുകളുടെ ചങ്ങാടം
ഏകാന്തമീയെൻ്റെ ഉയിരിൻ്റെയാഴം
താനേ തൊടുന്നൂ നീ മഴത്തുള്ളിപോലെ
മൊഴിയേക്കാളേറെ മധുവാകും മൗനം
ഇരവാകും നേരം
ഇരുമനമെരിയുമിതൊരു കനലായ്
ഒരുമൊഴിയൊരുമൊഴി പറയാം
ഉരുകിയ മനമിനി തഴുകാം
മിഴികളിലൊരുചിരിയെഴുതാം
വഴികളിൽ തണൽമരമാകാം
ഇരുകോണിൽ നിന്നും ഇലപോലെ നമ്മൾ
തെളിനീരിൽ മെല്ലെ
അലകളിലൊഴുകിവന്നിനിയരികേ